Կույբիշևի փողոց (Յալթա)

Անվան այլ կիրառումների համար տե՛ս՝ Կույբիշևի փողոց (այլ կիրառումներ)

Կույբիշևի փողոց
Երկիր	Ռուսաստան / Ուկրաինա, Ղրիմ
Գտնվում է	Յալթա
Երկարություն	310 մետր
Անվանվել է	Վալերիան Կույբիշև
Փոստային ինդեքս	298612

Կույբիշևի փողոց (ռուս.՝ Улица Куйбышева), փողոց Ղրիմի Յալթա քաղաքում։ Անվանվել է խորհրդային պետական և կուսակցական գործիչ Վալերիան Վլադիմիրովիչ Կույբիշևի (1888-1935) պատվին։ Սկիզբ է առնում Կիևյան փողոցից և ավարտվում Միչուրինի և Օսլովսկու փողոցների հանգույցում։ Երկարությունը 310 մետր է։

Նկարագրություն

Յալթա քաղաքի Կույբիշևի փողոցը սկսվում է Կիևյան փողոցից, հատում Կույբիշևի նրբանցքը, Շիրյաևի փողոցը, Կիևյան նրբանցքը, Սադովայա փողոցը, Նադյա Լիսանովայի փողոցը և ավարտվում Միչուրինի և Օսլովսկու փողոցների հանգույցում։ Շատ կարճ փողոց է. երկարությունն ընդամենը 310 մետր է։ Փողոցում կա համարակալված 26 շինություն։

Կույբիշևի փողոցի փոստային դասիչն է՝ 298612։

Փողոցն անվանվել է խորհրդային պետական և կուսակցական գործիչ Վալերիան Վլադիմիրովիչ Կույբիշևի (1888-1935) պատվին։ Նա եղել է 1905-1907 թվականների հեղափոխության ակտիվ մասնակից։ 1906 թվականից մինչև 1915 թվականը հեղափոխական աշխատանք է կատարել Սիբիրում, Պետրոգրադում և այլուր։ Ութ անգամ ձերբակալվել է, չորս անգամ աքսորվել Արևելյան Սիբիր։ 1917-ի մարտից ղեկավարել է ՌՍԴԲ(բ)Կ Սամարայի կազմակերպությունը։ Ղեկավարել է ԳՈԷԼՌՈ-ի պլանի իրականացման աշխատանքները։ Խորհրդային մեծ հանրագիտարանի առաջին հրատարակության կազմակերպիչներից է, նրա գլխավոր խմբագրության անդամը։ Աճյունն ամփոփված է Կրեմլի պատի մեջ։

Աղբյուրներ

• Улица Куйбышева в Ялте
• Подробная карта Улица Куйбышева, город Ялта со спутника с номерами домов, индекс и маршруты, Яндекс, Гугл карты

Արտաքին հղումներ

• Почтовый индекс улица Куйбышева, г. Ялта